MAY GANTIMPALA BA?

Nangako akong kakalimutan na kita,
Sa paraang alam kong hindi kana babalik pa,
Ang hirang na pag-ibig sayo'y di pinala,
Sapagkat naniniwala agad ang puso kong tanga,

Inakala anino mo'y hindi na babalik pa,
Dahil ang gulo sa puso ko'y humupa na,
Nagmistulang kalayaan sa kabiguan mapasaakin ka,
Ngunit sa kabila nito ay ang kahangalan pala,

Ikinubli ng sakit at poot ang munting pag-asa,
Samakatwid ang pag-ibig sayo'y di parin nawawala,
Pagrehistro ng mukha mo sa isipan ko'y tila problema,
Sapagkat nadaragdagan ang pagmamahal sayo, Sinta,

Kailan ka kaya maglalaho na parang bula?,
Sa puso at isip ko, kailan kaya?,
Dahil ayoko ng umasang pag-ibig ko'y may gantimpala,
Gantimpalang ikaw at ako ay para sa isa't isa.
***

- Matagal ko na itong ginawa ngunit ngayon ko lang ito naisip na i-post. Aminado akong nagawa ko ito dahil sa isang taong naging malaking parte ng buhay ko! (Philip)

-Princess-