Dahil sa'iyo

Muli ang puso ay sa kaligayahan nagising,
Dahil sa paggising ikaw na ang kapiling,
Sa Poong maykapal ikaw ang hiling,
Nang puso kong ito na sa kalungkutan galing,

Hindi mabilang mga ngiting aking isinilay,
Sapagkat ang puso’y sa’yo iniaalay,
Ang kaligayahan man sa’yo maging habambuhay,
Basta’t sa piling ko’y ikaw laging ipatnubay,

Lahat sayo’y handang ibaling,
Wag ka lamang mawala sa aking piling,
Ang tapat kong puso’y sa’iyo nahuhumaling,
At ang mga puso nati’y hindi magsisinungaling,

Sa piling ko’y wag kang malumbay,
Dahil ang pagmamahalan natin ay isang tagumpay,
Sa bawat gabi ako’y sa bisig mo mahihimlay,
At ang handog ko sayo’y pagmamahal na walang humpay.



-Princess-
Jan. 11, 2008