My Last Dance :)

Natapos na rin yung "Junior and Senior Promenade" at halos lahat ay naging masaya sa naganap na selebrasyon. Tunay ngang masaya para amin ang kaganapang iyon. Ngunit hindi ko masabi kung totoo nga bang nakamit ko ang rurok ng kaligayahan? Sa palagay ko hindi. Sapagkat yung nag-iisang lalaki na inaasahan kong magtatapos ng gabi kong ito e tila nawalang parang bula.

Halos tila nawala sa katinuan ang isip ko nun, wala akong ibang ginawa kundi hagilapin siya ng mga mata ko. Ngunit sadyang hindi ko na talaga siya nakita pa. Naramdaman kong hindi na matutupad yung dinidikta ng puso't isip ko para sa gabing ito. Kaya kahit mahirap ay itinuon ko na lamang ang aking sarili sa mga taong nasa paligid ko.

Isinasayaw ako ng mga kalalakihang malapit naman sa akin. At ang una kong nakasayaw e yung bespren niya pa. Kulet. Naging paksa namin siya ng mga sandaling magsayaw kami ng kaibigan niya. Nakita niya ang naganap na pagsasayaw namin at bigla nalang siya nawala nung matapos na kami.

Naging masaya rin naman ako pero kung may masisiguro ako na mas masaya sa gabing ito e siguro si Erika na yun. Dahil ang bespren kong iyan e naisayaw at nagka-ayos na sila ng lalaking sobra niyang minamahal. At ako ang naging daan para mangyari iyon. Sabi ko sa bespren ko "Mahal na mahal kita, kaya ko ginawa ito".. At nagpasalamat siya sa akin.

Masaya na rin ako dahil naging masaya yung kaibigan ko. Wala rin naman siyang hangad kundi yung mapaligaya ako. Kaya siguro mahal na mahal namin yung isa't-isa.

And the guy who was my last dance is my crush. His name is Romeo. Dami namin napag-usapan at siyempre kinilig ako doon. Now, masasabi kong masaya ako kahit na hindi nangyari yung gusto kong mangyari.

-Princess-